Sluiers

Bietjie tyd vir belydenis:


So ruk terug is vriende van my hier…saam met hulle ouers.
En ek kom agter dat die pa my noukeurig dophou, want ek sing en dans en lag en gooi shooters.
Ek hoor hoe hy noem dat hy bly is dit gaan goed met my, maar ek ignoreer die “kompliment”?


So na die 3de opmerking, voel ek, ek is sterk genoeg om ‘n sluier te laat sak.
‘n Sluier wat niemand van weet nie…
‘n Sluier wat nie net een laag materiaal is nie…
‘n Sluier wat nie net een ding wegsteek of beskerm nie…


En ek draai om.
Leun met my arms op die rugleuning van die stoel.
Kyk die vriend vierkantig in die oë en sê:
“Dit wat jy hier sien, is ‘n BEWUSTELIKE besluit wat ek élke oggend van my lewe moet maak:
…óf ek lê in ‘n bondeltjie en kry myself jammer…
…óf ek maak ‘n definitiewe besluit dat ék nog leef! And come what may; ek gaan leef!

Dis dan nie ironies dat vandag se dagstukkie vooruit deur die Heilige Gees vir vandag aan my gegee is nie…


*Dat party mense platgestaan word deur verskeie aspekte van die lewe


*Dat hulle te bang is om op te staan, want wanneer kom die volgende golf?


*Dat hulle só seergemaak is, dat hulle nie kans sien om weer op te staan nie…dat hulle dalk nie wéér sterk genoeg gaan wees nie…


*Hulle verkies om hulleself “toe te vou en te beskerm” met selfbejammering…met klaagliedere van hóé sleg dit eintlik gaan…en oorgaan in ‘n lewenswyse van verbittering en onvriendelikheid…dat hulle, hulleself op hulle medemens wil wreek…en in die proses eensaam word.


Onthou te alle tye dat God nie wil hê jy moet in tye van neerslagtigheid lewe nie…
Hy wil hê dat jy juis dán die toonbeeld is van wat SY krag kan doen om jou daardeur te help.


Hy wil hê jy moet Sy oorwinning smaak…


Moet dus nie tyd en energie vermors op nuttelose selfverwyt en selfbejammering nie…


Kyk op na HOM…


Hy kan ALLES nuut maak…
Hý sal jou lei op ‘n pad van herstel en geluk…


Laat toe dat Hy in oomblikke van neerslagtigheid, jou help om weer op te staan en in Sy krag blymoedig en vertrouend weer voort te kán gaan.


Genesig vir enige seer; is God se Almag en God se Liefde.

One thought on “Sluiers

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s