Kefir

Dankie tog vir vriendin Jane.

So moet sy my toe ook seën met iets wat vir háár goed is…

En ek kyk die kak met so opgefrommelde neus aan(want dis fokken vrot melk!…), maar sodra sý entoesiasties na my opkyk… terwyl sy verduidelik hoe om (die kak) te “oes”; skop die Charlize Theron in my in, en is my oë VOL opwinding en meegevoerdheid.

En ek hoor ek moet elke dag ‘n mondvol daarvan sluk….???

Nou ek LOVE hierdie Girl…

En ons is al deur baie saam…en nie deur baie saam nie…, maar wragtig: as sy hier (léwendig) sit en verduidelik hoe goed dit vir ‘n mens is, wie is ék om met háár te stry…al is ek presies net 3maande óúer as sy…(ek noem nou maar net…)

En toe dit kom by;

“Proe! Proe hoe lekker is dit!”

Toe proe ek maar…

En daar proe dit toe nie so kak nie…(nie dat ek weet hóé kak proe nie… Ek was al baie BEkak…baie UITGEkak en al baie IN DIE kak…maar dis stories vir ander dag)

En hier steek haar entoesiasme aan soos ‘n vasberade COVID-19 virus:

En ek begin kweek.

En ek begin oes…

En ek vat elke oggend ‘n shot(ek moet belei: party oggende moet ek my verbeel dis ‘n Tequila Bubblegum Shooter)…

En my liggaam reageer binne ure: *my ongereelde, hardlywigheid is genees.

Ander voordele sal ek seker oor ‘n tydperk waardeer, maar ek kan ook net noem dat ek nou Kefir in ÁL my gebak gebruik(in plaas van melk)…selfs my plaatkoekies is sulke stewige gesonde (plaat)koekies.

Ek het Tannie Google gaan vra vir feite en hier is háár opinie:

1. Kefir is ‘n fantastiese bron van heelwat broodnodige voedingstowwe:
Protiëne: 4 gram

Kalsium: 10% van RDI

Fosfor: 15% van RDI

Vitamien B12: 12% van RDI

Riboflavien (B2): 10% van RDI

Magnesium: 3% van RDI

En HEELWAT Vitamien D


2. Kefir is dié kragtigste probiotika

3. Kefir het sterk antibakteriële eienskappe

4. Kefir verbeter beengesondheid

5. Kefir help fantasties(sien: ek is bewys daarvan…) met verskeie verteringsprobleme

6. Kefir is laag in laktose

7. Kefir verbeter allergiese simptome

Ai…

Dankie tog dat ouderdom geen beperking op kennis is nie…

Nou wag ek vir my kombucha-plantjie, want DIT!!!!

DIT proe nes Savanna!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s