Ek verkies Alleen. Eensaam maak dood.

Op hierdie huidige oomblik sukkel ek erg.


Ek is…net erg ERG alleen.


En daarmee saam ontstaan ongegronde vorms van
…vrees…
…verlatenheid…
…en ja…
…stadig meer seker…eensaamheid.

Vir mý is alleenwees ‘n pragtige geskenk:
Ek kan doen wat ek wil
Wanneer ek wil
Vir hoe lank ek wil
Enige tyd van die dag of nag

Maar nou…in hierdie tye…
Besef ek dat ek eintlik stoksielalleen is.
Dat niemand eintlik by my wil wees nie
En nou ontwikkel gevoelens van
…verlange
…jaloesie
…smagting

Hier waar ek nou sit…
…mag die trane dalk makliker vloei
…en vrese tuimel soos golwe in my binneste
…die besef van eensaamheid is ewe skielik daar.

Gedurende dié tye,
(Selfs al is ek totaal en al op my gemak met my alleenwees)
Kry ek myself
Waar ek oor onredelike dinge begin bekommer
Bekommernisse veral dat myself…my lewe…my tyd op aarde gemors word;
Tyd wat ek saam met die regte persoon vir die res van my lewe kon spandeer het…

Dit is normaal om na intimiteit te smag
Om in iemand se omhelsing te wees
Om ondervindings met iemand te deel
Om na ‘n lewensmaat te smag
Iemand wat jou bootjie kan help stuur
Iemand wat jou veilig kan laat voel…

Ek wéét die antwoord is om ‘n hoë vlak van
selfsorg…
selferkenning…
toe te pas, maar dit bly moeilik.
En ek begin myself nou erg bietjie-bietjie jammer kry.

Ek weet dit wat ek is
dit wat ek voel
is eg
en maak sin.

My gevoelens is geldig!
Magtig!
Ek is ook ‘n mens!
‘n Vrou!!!

Ek wéét ek is genoeg…
Ek wéét ek is veilig…
Ek WÉÉT ek is geliefd.
Dat ek iewers behoort.
Dat alles eendag okay sal wees…

Maar vir nou…
Net vir nou…
Is ek nie okay nie.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s