Party nagte…
Partykeer meer as minder,
en ander nagte minder as gewoonlik…
Krimp hierdie wolf binne-in my
Weg.
Weg na NIKS.
Ek wys my tande,
Maar terselfdertyd hardloop ek weg…
Die draak in my hart;
Verwerp my…
Sy is moeg.
Moeg.
Moeg.
Om keer op keer op keer op keer op keer op keer op keer op keer op keer op keer op keer op keer;
Verslaan te word.
Daar is selfs nagte wanneer die leeuwyfie;
Bewe.
En sê:
“Ek veg dit op ‘n ander dag…”
En dan wonder ek by myself: waar de hel is my Feniks?
Ek het nog altyd een gehad!
En dan…
Dan voel ek haar:
Sy sit saam met my in hierdie donker donkerte…
En sy fluister amper onhoorbaar sag:
Ons sal weer opstaan…
Met ‘n magtige wegsweping
Van alles wat sleg en lelik en donker en hartseer en onregverdig en selfsugtig en liefdeloos is.
Wag net…
Want saam IS ons
Saam leef ons ‘n leeftyd
Ons siklus sal hergroei: wedergebore word,
Want JY is nog altyd ‘n sonskynkind…
JY kan selfs die son verbrand
Jy kan ‘n nuwe lewe spruit uit as…
Beter as wie jy was.
supermanme 